رغم تنوع مصادر المعارف والعلوم في أيامنا دي سواء كانت إنترنت أو تليفزيون أو برامج مسموعة إلا إن المعرفة المكتسبة منهم تعتبر معرفة سطحية نوعا ما، ومفيش حد ينكر إن الكتب كانت وتظل أم المعارف أو المصدر الدسم للمعرفة والمنبع اللي مبيخلصش. في بعض الناس البرامج والانترنت مش مصدر كافي بالنسبالهم للتعلم واكتساب المهارات والخبرة، بيحتاجوا حاجة أثقل وأعمق من كده وهي الكتب. وبعض الناس شايفة إن القراءة معدتش مهمة الأيام دي زي قبل كده بسبب تنوع مصادر المعارف المختلفة، زي التصور الفوتوغرافي اللي بيقوم مقام الرسوم التصويرية. أهداف القراءة؟ ليه نقرأ؟
- القراءة للتعلم : التعلم هو عملية الحصول على مجموعة من المعارف والمعلومات بالإضافة لفهم المعلومات دي وربطها ببعض، وفي طريقين اتنين للتعلم وهما إما عن طريق التلقين أو إن حد بيعلمني من خلال محاضرة أو برنامج، والتاني عن طريق البحث والاكتشاف والتقصي، وفي الحالة التانية التعلم بيكون أكثر فعالية لإنه بيحافظ على انتباه المتلقي أكبر قدر ممكن. يعني لو سألت مدرس سؤال هيجاوبك بشكل مباشر، ولو مفهمتش الإجابة دي ممكن تسأله تاني لحد ما يفهمك، أما لو كنت بتقرأ في كتاب ومفهمتش فالكتاب مش هيجاوبك بنفسه، هتتضطر تبحث وتتعمق أكثر من مصادر تانية علشان تفهم، ودا بيكون شبكة من المعارف تساعدك بشكل كبير وتعمق فهمك أكتر وأكتر ، ودا لا يقلل من شأن التعلم بالتلقي، بل ممكن نقول إن أفضل من التعلم بالتلقين والاكتشاف هو التعلم عن طريق الاكتشاف في وجود مساعدة
- بتكتسب سنوات من التجارب والخبرات في خلال أيام، أو في خلال الفترة اللي بتنهي فيها الكتاب، تخيل شخص خاض تجربة حياتية كلفته 40 سنة من عمره، تقدر تطلع عليها من خلال قراءة 200 صفحة في بضعة أيام فقط.
- القراءة ملهمة جدا جدا، تقريبا معظم الأفكار اللي بتجيلي بتجيلي وأنا بقرأ، وأي حد قرأ كتاب قبل كده هيتفق معايا تماما لإن دا بيحصل بشكل متكرر، علشان القراءة بتدفع دماغك إنه يشتغل، ولما بيشتغل الأفكار بتبدأ تتربط ببعضها وكتير من الأحيان تقرأ حاجة تستدعي فكرة كانت غايبة عنك
- القراءة أنفع حاجة تضيع فيها وقتك، اتكلمنا في الفيديو اللي فات عن الفيسبوك وازاي سيبته واستبدلت ده بالكتب والمقالات، انت كمان لو حبيت تخوض التجربة دي هتقابل وقت فراغ كبير سواء في المواصلات أو قبل النوم وهتحتاج تشغله بحاجة، لو بدأت تقرأ فالقراءة أفضل حاجة تعملها في وقت زي ده، لإنه هيكون وقت فراغ منتج أو ذو قيمة. القراءة هي عبارة عن عضلة، محتاجة تتمرن علشان تشتغل بشكل كويس، تخيل عضو في جسم الإنسان مبيستتخدموش، الطبيعي انه هيضمر ويبوظ مع الوقت، كذلك القراءة عبارة عن عضلة محتاجة تتمرن وتتعهدها علشان متضمرش، طب لو انت بالفعل لسه مقرأتش قبل كده أو ممرنتش العضلة قبل كده؟ محتاج انك تسخن زي الرياضين لو مسخنش هيحصله شد عضل ويقع خالص، طيب دلوقتي أعمل ايه علشان أبدأ أقرأ؟
- اقرأ في مجال أنت بتحبه، لو بتحب الأفلام البوليسبة مثلا أبدأ في بقراءة قصص بوليسية ولو بتحب العلوم ممكن تقرأ كتب ليها علاقة بالعلوم، وهكذا علشان دا يكون دافع إنك تحب القراءة ومتملش، خصوصا في البداية وانت محتاج تمرن العضلة، مينفعش تروح تقرأ في مجال أنت مبتحبوش أو ملكش علاقة بيه، دا هيزود عليك لود أكتر من موضوع القراءة نفسه وهو إنك مستغرب اللي بتقرأه ومش فاهمه
- حاول تبدأ بكتب خفيفة في عدد الصفحات، ابدأ بكتب بتتراوح من 50 ل 100 صفحة، لو بدأت على طول بكتب عدد صفحاتها كبيرة وقرأت منها من 50 ل 100 صفحة ومكملتش هتحس بالفشل وهتقفلك من التجربة، لكن لو بدأت بكتب صفحاتها بين 50 و 100 وقرأتهم هتكون بالفعل خلصت كتاب وكسرت الحاجز بينك وبين القراءة.
- حاول تخلي الموضوع عبارة عن عادة، خصص في يومك وقت معين وليكن 10 دقايق تقرأ فيهم جزء من الكتاب وتلتزم بيهم يوميا، وهيساعدك في الإلتزام بده موضوع التذكير أو إنك تحط ريميندر يفكرك، تلتزم كل يوم ب 10 دقايق مينيمم للقراءة مهما كانت الظروف حتى لو هتقرأهم قبل ما تنام، أو تلتزم بعدد صفحات قليل زي 10 صفحات
- تتبع عدد المرات اللي التزمت فيها بالقراءة، دا هيساعدك تشوف التقدم اللي احرزته خلال الأسبوع، وتكافئ نفسك على ده
- هيئ البيئة حواليك
أبدأ بإيه؟ لو انت في سن المراهقة ( العادات السبع للمراهقين الأكثر فاعلية
للتواصل : contact@ghareeb.website
رابط انستجرام : https://bit.ly/39v94Yx
رابط لينكد إن : https://bit.ly/2MDjtbM
المعدات التي أستخدمها : عدسة 24 mm من كانون http://amzn.to/2MF8oa4
عدسة 18:55 من كانون http://amzn.to/3t9AR8J
كاميرا كانون إيوس 200d http://amzn.to/3cllIvf
مايك Rode NT USB http://souq.link/3r511YG
الإضاة : http://souq.link/3t3LlXg
