استخدام الهواتف الذكية أصبح ضرورة لابد منها في حياتنا كلنا، ولكن المشاكل السلوكية والنفسية اللي بيسببها إدمان الموبايل كتيرة جدا، زي القلق أوالاكتئاب لو بعدت عنه لفترة. وللأسف التكنولوجيا الأيام دي أصبحت هي اللي بتقود الإنسان مش العكس، يعني بدل ما الإنسان يستخدم التكنولوجيا لصالحه علشان تسهل حياته وتساعده بيحصل بينه وبينها حالة من الإدمان اللاواعي اللي بتخليه أسير ليها ومش عارف يتخلص منها أو يقنن استخدامه ليها، في الفيديو ده هقولك على 8 طرق تقلل بيهم استخدامك للموبايل
أنا بقضي وقت كتير جدا على موبايلي، واكيد أنت كمان بتعمل ده.
لاري رون أستاذ في علم النفس و مؤلف The Distracted Mind بيقول ” أغلبية الناس بيعملوا تشيك للموبايل بتاعهم كل 15 دقيقة أو أقل، دا في حالة لو مفيش بوش نوتيفيكيشنز” ودا بياكل وقتك وانت مش واخد بالك، أينعم خطورة الموضوع مش بنفس خطورة إدمان السوشيال ميديا ولكن يظل الموبايل جهاز شرير وبياكل الوقت، .ولكن من الأخبار الكويسة إن في بعض الخطوات اللي تقدر بيها تتحكم في استخدامك للموبايل بتاعك بحيث يكون استخدامك له قاصر على احتياجك فقط.
1 – الطريقة الأولى واللي أوصى بيها روزن هي إنك تحاول تتحكم في عدد المرات اللي تتشيك الموبايل فيها، يعني تبدأ تعمل alarm على الموبايل ولما يرن تشوف الموبايل، هتبدأ الأول بفترة قليلة زي كل 30 دقيقة وكل فترة تحاول تزود المدة بين كل مرة تتفقد فيها الموبايل، بعد كده 45 د وبعدها ساعة وهكذ، ولما يرن المنبة حدد برضو وقت زي 3 دقايق بس تتفقد فيهم اللي انت عاوزه وبعدها تسيبه وتبدأ دورة جديدة من الانتظار، وخليك حريص جدا إنك متمسكش الموبايل بين كل رنتين وتلتزم قدر الإمكان بتركه.
2 – اقفل كل الإشعارات اللي بتيجي من التطبيقات زي فيسبوك وانستجرام وغيرهم، أنت مش مضطر تشوف كل لايك اتعلمك على انستجرام ولا مضطر تفتح حلقة من البرنامج المفضل ليك على يوتيوب بمجرد نزولها، ممكن تشوفها في وقت تاني لما تفتح بإرادتك، وأنا بصراحة شايف إن ده مربط الفرس، وبيحولك من حد التطبيقات والموبايل بيتحكموا في الأكشنز اللي بياخدها لشخص هو اللي بيتحكم امته يرد أو يسمع أو يتفرج على حاجة، وعلشان تعمل حاجة زي دي هتروح على الإعدادات ثم التطبيقات وبعدها تلغي الإشعارات للتطبيقات وتسيب بس المكالمات.
3- الحاجة التالتة وهي إنك متحطش كل الأبلكيشنز على الهوم بيدج في الموبايل، حط بس التطبيقات المهمة بالنسبالك واللي بتحتاجها بشكل مستمر، ودا هيساعدك إنك مش كل ما تفتح الموبايل تلاقي قدامك سيل من التطبيقات وخيارات كتير ممكن تضيع وقتك،يعني ممكن تحط الأبلكيشنز الخاصة بالقراءة أو المذاكرة أو اللي بتتعلم منها لغة في الهوم بيدج وتخلي الباقي جوه، في حد ممكن يقول طب ما أنا ببساطة ممكن أعمل swipe وأجيب الأبلكيشن اللي أنا عاوزه وأضيع وقت عادي، ودا يبان حقيقي، ولكن تصعيب الأمور على نفسك حتى لو بحاجة بسيطة جدا بيكون فعلا مؤثر، لإن الإنسان بطبعه كسول.
4 – ابعد الموبايل عن السرير وقت النوم، متخليش تصفح الموبايل هي آخر حاجة تعملها قبل ما تنام وأول حاجة تعملها لما تصحى، لإن دا بيولد عندك حالة من الارتباط اللاواعي الموبايل، دماغك بتتبرمج على كده ولا إراديا إيدك هتمتد لما تصحى علشان تمسك الموبايل، فحاول قد الإمكان تحط الموبايل على ترابيزة بعيدة عنك قبل ما تنام ويفضل إنك تسيبه بره الغرفة خالص
5 – حاول تستبدل الموبايل بحاجة سمارت تانية زي الساعة أو السوار الذكي، يعني مثلا أنا بستخدم Mi Band 5 وبستقبل عليها الإشعارات من التطبيقات المهمة بالنسبالي زي الواتساب وتنبيهات ticktick ودا هيخليك شوية مش خايف تسيب الموبايل ومش حاسس إن حاجة هتفوقتك وفي نفس الوقت هتقلل ارتباطك بيه، أنا بستقبل عليها رسايل الواتساب كلها وبقرأها من خلالها ولو في رسالة مهمة بالنسبالي بمسك الموبايل وأرد، المميزات اللي فيها كتيرة ومحتاجة فيديو لوحدها منفرد ليها ولطريقة استغلالها بشكل فعال، وبالمناسبة هي جيالي هدية من صديقي، شكرا يا صاحبي على حسن اختيار الهدية
6 – فعل مود الجرا سكيل في الموبايل، من أحد الطرق فعالية هي إنك تفعل الوضع الأبيض وأسود على الموبايل، لإن الألوان و التصميات اللي الشركات بتصرف فيها وقت وفلوس علشان تخلي التطبيقات بتاعتها user friendly والتصميمات دي اللي هي ال ux و ui علشان تحسن من تجربة المستخدم وتخليه ميزهقش من التطبيق، لما يكون الموبايل في وضع الأبيض واسود بتكون شاشة الموبايل مش زاهية وبتكون غير مرغوب في النظر فيها، ودا بشكل ما بيقفلك من التطبيقات وتحس إن التجربة مش لذيذة خالص، وعلشان تفعل الخاصية دي في أي موبايل أندرويد تروح على وضع المطور وبعدها تختار simulate color space وتفعل خيار monochromacy
للتواصل : contact@ghareeb.website
رابط انستجرام : https://bit.ly/39v94Yx
رابط لينكد إن : https://bit.ly/2MDjtbM
المعدات التي أستخدمها : عدسة 24 mm من كانون http://amzn.to/2MF8oa4
عدسة 18:55 من كانون http://amzn.to/3t9AR8J
كاميرا كانون إيوس 200d http://amzn.to/3cllIvf
مايك Rode NT USB http://souq.link/3r511YG
الإضاة : http://souq.link/3t3LlXg
