مشاكل الشراء أونلاين كتير جدا، ولكن من أشهر المشاكل اللي بتقابل أي حد أول مرة يشتري أونلاين هي إنه يعمل فيزا مناسبة للشراء على الانترنت، ودايما بيدخل في حوارات كتير زي الحسابات البنكية والأنواع الكتير جدا للفيزا والماستركارد، ودي مبتكونش تجربة ظريفة لحد أول مرة يشتري أونلاين، في الفيديو ده هقولك على أسهل طريقة تشتري بيها أونلاين ما تدخل في حوارات الحسابات البنكية والفيزا.
علشان تعمل عملية شراء أونلاين سواء كنت بتشتري منتج أو بتدفع مقابل خدمة قدامك طريقين معروفين، إما إنك بتمتلك حساب بنكي والحساب البنكي ده له فيزا بتقدر تستخدمها أونلاين، أو رابط معاه باي بال، والطريقة التانية إنك يكون معاك فيزا مشتريات تقدر تشحنها وتستخدم الرصيد اللي فيها تشتري بيه.
في الحالة الأولى وهي حالة الحساب البنكي، دا بيتطلب منك بعض الإجراءات لفتح الحساب زي إن يكون عندك إثبات دخل، يعني تكون بتشتغل في وظيفة مثلا مع شركة وليك مصدر دخل ثابت وتجيب وثيقة تثبت بيها مصدر الدخل ده علشان تفتح الحساب، بالإضافة لإنك لازم تكون متجاوز للسن القانوني واللي هو 18 سنة، وتجربة فتح حسابات بنكية مش أسرع حاجة، وفي الطريقة التانية اللي هي استخراج فيزا شراء أونلاين الموضوع بيكون أسهل شوية لكن بيكون ليها مصاريف سنوية وأوراق مطلوبة برضو، وبتحتاج تشحنها سواء من ماكينة اي تي ام أو من المكان اللي أصدرته منها ولكن تظل إنها بتحتاج بعض الخبرة في التعامل معاها علشان تكون التجربة ناجحة.
والحاجة اللي هقولكم عليها النهارده مش بتحتاج أي خبرة في التعامل أو أوراق إدراية ومصاريف، الحاجة دي هي محفظة فودافون كاش، محفظة فودافون كاش هي محفظة الكترونية بتتعمل على الرقم الخاص بيك عن طريق إنك تزور فرع فودافون بالبطاقة الشخصية وتطلب منهم فتح محفظة فودافون كاش والموضوع بيخلص وانت واقف، ومعظم الناس دلوقت تقريبا عندها المحفظة دي وبتستعملها بالفعل في استلام وتحويل الأموال، من المميزات اللي عرفتها مؤخرا إنك تقدر من خلال محظفة فودافون كاش تعمل فيزا لمدة 24 ساعة تقدر تستخدمها بالمبلغ اللي أنت عاوزه، وأنا بالفعل قومت بالتجربة دي في شراء هوست ودومين خاص بيا.
رابط الفيديو :
https://bit.ly/3aQOdhO
للتواصل : contact@ghareeb.website
رابط انستجرام : https://bit.ly/39v94Yx
رابط لينكد إن : https://bit.ly/2MDjtbM
المعدات التي أستخدمها : عدسة 24 mm من كانون http://amzn.to/2MF8oa4
عدسة 18:55 من كانون http://amzn.to/3t9AR8J
كاميرا كانون إيوس 200d http://amzn.to/3cllIvf
مايك Rode NT USB http://souq.link/3r511YG
الإضاة : http://souq.link/3t3LlXg
