لو أنت في شغلك بتقعد على مكتب أو بتشتغل من البيت وقاعد معظم الوقت، فموضوع إنك تقعد على كرسي مريح مش رفاهية وحاجة ضرورية جدا، خصوصا لو بتشتكي من آلالم في العظام والظهر، في الفيديو ده هقولك إزاي تقعد قعدة صحيحة على المكتب، يللا بينا.
كتير من الناس لما بيروحوا لدكاترة العظام بيشتكوا من وجع في الظهر وبيكونوا متصورين إن عندهم مشكلة ما في الفقرات أو عظام الظهر بيكونوا فاكرين إن دي مشكلة مزمنة أوصحية، ولكن في كتير من الأحيان بيكون السبب هو الجلوس بطريقة غير صحيحة.
اختيارك لكرسي مريح ليك في القعدة ممكن يحسن كتير جدا من تجربتك، سواء كنت بتشتغل على مكتب في مكان شغلك أو بتشتغل من البيت زي حالاتي، وكمان طريقة الجلوس اللي بتقعد بيها على الكرسي مهمة جدا، لإن لو بتقعد بطريقة غلط لمدة كبيرة أو بتقعد على كرسي مش مريح مع الوقت هتحس بالألم وممكن كمان يسبب مشاكل مزمنة في العظام خصوصا العمود الفقري، فموضوع إنك تقعد قعدة صحيحة على المكتب دي حاجة ضرورية جدا.
من المشاكل اللي بتسببها القعدة غير الصحيحة على المكتب : 1- انسداد الأوردة والأعصاب
ودا بيحصل لو رجلك مش لامسة الأرض وانت قاعد، الأوردة بتكون مسدودة ومبيوصلش دم كافي لرجلك، فممكن تحس بتنميل في رجلك بعد وقت قليل من الجلوس بالشكل ده، ودا طبعا بسبب انسداد الأوردة وإن رجلك مش بيوصلها دم بصورة كافية.
2- هتواجه صعوبة في إنك تقوم ودا بسبب انخفاض القوة العضلية وضعف آداء المفاصل
3- تهيج الأنسجة وآلام الظهر ودا بيصحل لو ارتفاع الكرسي اللي أنت قاعد عليه مش مناسب سواء عالي جدا أو واطي جدا، أو ظهرك يكون مايل بزيادة فدا بيسبب آلام في الظهر وتهيج في الأنسجة
4-مشاكل في الأمعاء ودا بيحصل لو بتستخدم مقعد ارتفاعه قليل جدا ورجلك قريبة من منطقية البطن وضاغطة عليها.
وبعد ما عرفنا المشاكل اللي ممكن يسببها الجلوس بطريقة غير صحيحة خلونا دلوقت وفي عجالة علشان وقت الفيديو ميطولش نتكلم عن إزاي أقعد بطريقة صحيحة.
طول الناس وقصرها متفاوت مينفعش نتكلم على مقاسات استاندرد بالسنتي لإن أطوالنا وأجسامنا مختلفة، بس في شوية تريكات مهمة جدا لو عملتها هتحسن من تجربتك في الجلوس بشكل كبييير جدا.
الجلوس بطريقة صحيحة بيتوقف على 3 عوامل وهما ( ارتفاع الشاشة – المكتب- الكرسي)
رابط الفيديو : https://youtu.be/d0etF6enCIk
للتواصل : [email protected]
رابط انستجرام : https://bit.ly/39v94Yx
رابط لينكد إن : https://bit.ly/2MDjtbM
المعدات التي أستخدمها : عدسة 24 mm من كانون http://amzn.to/2MF8oa4
عدسة 18:55 من كانون http://amzn.to/3t9AR8J
كاميرا كانون إيوس 200d http://amzn.to/3cllIvf
مايك Rode NT USB http://souq.link/3r511YG
الإضاة : http://souq.link/3t3LlXg
