الويب براوزر أو المتصفح أحد أكثر التطبيقات اللي بنستخدمها على الموبايل بشكل يومي، سواء في تصفح الإنترنت منها بشكل مباشر أو بيتم تحويلنا ليها لما نضغط على رابط في تطبيق تاني، وأشهر متصفح على الإطلاق واللي كلنا بنستخدمه هو جوجل كروم، وعلشان كده جبتلكم مجموعة من التيبس والتريكس اللي ممكن تخلي تصفحك لجوجل كروم أسهل وأحسن، يللا بينا.
1- الدارك مود الداروك مود دلوقتي بقى تدريجيا موجود في معظم البرامج والواجهات ودا بسبب إنه بيكون مريح للعين واستهلاكه للبطارية أقل وشكله كوووول جدا وأحسن من اللايت مود العادي، جوجل كروم كمان بقى فيه دارك مود.
2- lite mode ودا غير اللايت مود اللي عكسه دارك مود، والمقصود بيه إنه مود خفيف من ناحية استهلاك الداتا، ودا من أفضل المزايا الموجودة حاليا في جوجل كروم خصوصا لو في حد بيشتكي دايما من بطئ الإنترنت أو بطئ الداتا كونكشن، والطريقة اللي بيشتغل بيها المود ده هو إنه بيحمل بس المحتوى الرئيسي في صفحة الويب فبتحمل أسرع وبتوفر كمان في استهلاك اليبانات بنسبة تصل ل 60%
3 – ميزة التحميل المسبق أو البري لودينج ودا لو أنت مش حابب موضوع اللايت مود وإنه مبيظهرش كل الكونتنت اللي موجود في صفحة الإنترنت فده بيشتغل عكسه تماما، بيحمل كل الكونتنت ولكن بشكل مسبق عن طريق إنه بيحلل طريقة تصفحك والكوكيز بتاعتك ويتوقع المواقع اللي ممكن تفتحها ويحملهالك في الخلفية بشكل مسبق، فلما تيجي تفتحها يكون الموضوع أسرع كتير من لو بتفتحها أول مرة من غير الخاصية دي. وعلشان تفعلها
4- التنقل السريع بين التابس الطريقة التقليدية واللي بيستخدمها معظم الناس في التنقل بين المواقع أو التابس اللي هما فاتحينها على جوجل كروم بتكون عن طريق إنه يضغط على زرار التابس ويختار التاب اللي عاوز يروحله. ولكن في طريقة أسهل من كده. الطريقة ببساطة هي إنك تسويب على شريط العنوان من فوق كده يمين أو شمال ودا هيخليك تتنقل بكل سهولة بين التابس خصوصا لو فاتح عدد تابات قليل مش محتاج أنك تصغرهم كلهم علشان تشوفهم وبعدين تضغط.
5- تقدر تحفظ الموقع اللي انت فاتحه كملف بي دي إف لو أنت من محبي القراء فأكيد بيقابلك مقالات كتير جدا بتكون عاوز تحتفظ بيها أو تقرأها وقت ما تكون فاضي أو حتى تنزلها على موبايلك علشان يكون عندك نسخة أوفلاين منها، دلوقت تقدر تنزل صفحة الويب اللي أنت فاتحها كبي دي إف وتفتحها بدون إنترنت فيما بعد.
6- قفل التابات بشكل أسرع
المفروض علشان تقف تاب انت معدتش عاوز تستخدمه بتضغط على الرقم يتاع التابات فهيظهرلك كل التابس اللي انت فاتحها، وتقفل منها اللي أنت عاوزه، بس في طريقة أسرع شوية
لو عاوز تقفل تاب أنت بالفعل فاتحها وبتتصفحها هتضغط ضغطة مطولة على الرقم ده وتختار close tab
٧ – تعمل جروبينج للتابس أو تحطهم في مجموعات
جميع الطرق المذكورة موجودة الفيديو على يوتيوب من هنا :
https://www.youtube.com/watch?v=kxEYkKfcaFg&t=41s
للتواصل : contact@ghareeb.website.com
رابط انستجرام : https://bit.ly/39v94Yx
رابط لينكد إن : https://bit.ly/2MDjtbM
المعدات التي أستخدمها : عدسة 24 mm من كانون http://amzn.to/2MF8oa4
عدسة 18:55 من كانون http://amzn.to/3t9AR8J
كاميرا كانون إيوس 200d http://amzn.to/3cllIvf
مايك Rode NT USB http://souq.link/3r511YG
الإضاة : http://souq.link/3t3LlXg
