لو أنت حابب تدخل مجال البرمجة ففي شوية مصطلحات هتردد على سمعك كتير، فهتحتاج تعرف المصطلحات دي وتفهم معناها، وعلشان كده عملنالكم الفيديو ده
أهلا وسهلا بيكم في فيديو جديد.. دلوقتي أحمد هيقول المصطلح بالإنجليزي وأنا هقول معناه، ومعناه هنا مش ترجمته علشان الناس متفهمش غلط. معظم المصطلحات البرمجية لما بيتم ترجمتها بتفقد معناها شوية، فخلونا نتفق إن احنا هنشرح المقصود منها.
يللا بينا نبدأ مع أول مصطلح
- program عبارة عن مجموعة من الأوامر بتديها للكومبيوتر علشان ينفذ وظيفة معينة وبيتكون من حاجات كتير سواء واجهة مستخدم اليوزر بيشوفها أو عمليات بتتم في الخلفية، وأكبر مثال حي على ده هو تطبيقات الهواتف الذكية اللي بنستخدمها بشكل يومي، زي فيسبوك وواتساب، كل دي برامج.
-Algorithm
ودي معناها خوارزمية، واسمها منسوب للعالم محمد بن موسى الخوارزمي اللي حط الأسس بتاعتها، حقك تفتخر يابن بلدي. ومعناها مجموعة من الخطوات لحل مشكلة معينة، وهي جزء أساسي من البروجرام اللي قولنا عليه من شوية، هي الخطوات اللي بتتنفذ لحل المشكلة، يعني لو عندي مشكلة زي إني المفروض أجيب إزازة المية دي من هناك فالمفروض أقوم وبعدين امشي وبعدين أجيبها.
- front end
وهي الواجهة اللي بيشوفها المستخدم في أي تطبيق، سواء تصاميم أو صور أو أزرار أونصوص مكتوبة، كل ده بيظهر في الفرونت إند، يعني الجانب اللي المستخدم بيشوفه وعينه بتتعامل معاه.
–backend
وهي الجزء الخفي والغير مرئي بالنسبة للمستخدم لأي تطبيق، المسوؤل عن العمليات الماورائية للبرنامج زي التعامل مع البيانات وطريقة تخزينها وجلبها وأي حاجة مبتظهرش للمستخدم، يعني لو سجلت دخول في فيسبوك مثلا بياناتك بتروح للداتا بيز واللي هنقول هي إيه كمان شوية، وبيتم التشييك هل هي صحيحة ولا لا ولو صحيحة بيديك صلاحية الدخول، غير كده بيقولك إن البيانات غلط، كل ده بيحصل في جزء من الثانية أثناء ضغطك بس على الزرار بتاع تسجيل الدخول، فبشكل مبسط جدا هو ده الباك إند، العلميات اللي المستخدم مبيشوفهاش.
–database
قاعدة البيانات شارحة نفسها، هي عبارة عن مجموعة من البيانات مترتبة ومرتبطة مع بعضها بشكل بيؤدي الغرض اللي اتعمل علشانه البرنامج، والموضوع أشبه بدفتر الإستقبال الموجود في أي مكان، بيكون فيه بيانات العملاء سواء أسمهائهم وسنهم رقم تليفونهم وإيميلاتهم وكل ده، طبعا في الداتا بيز الموضوع أوسع من كده وفي أكتر من نوع بيانات زي التيكست والصور وأي حاجة تخطر على بالك، وفي أنواع كتير جدا من قواعد البيانات، ودي كلها غالبا بتكون في الباك إند اللي اتكلمنا عنه من شوية.
–Api
وهي نقطة الوصول بين بيئة تطويرية معينة وبين المطورين علشان يستخدموها في البيئة بتاعتهم بشكل جاهز، من غير ما يحتاجوا يبنوها من الصفر، يعني مثلا لو شركة محركات عملت محرك سيارة جديد فبتنزله السوق علشان شركات السيارات تستخدمه في سياراتهم من غير ما يدخلوا في تفاصيل المحرك دا اتعمل إزاي
code
الكود هي الأوامر اللس المبرمج بيكتبها علشان تتفذ وتبقى عبارة عن البرنامج في النهاية، وبتتكتب بلغة اسمها لغة البرمجة، وهي تنفيذ الخوازمية كتابيا لحل المشكلة ولغات البرمجة متعددة ولا حصر لها زي السي بلس بلس والبايثون
bolean
ومعناها حاجة منطقية بتكون ترو أو فولس بس، ملهاش قيمة تانية غير دول، إما صح وإما غلط، يعنس مثلا ١+١= ٢ دا صح ومنطقي
bug
نعوذ بالله من البجز وسنينها، وهي عبارة عن الأخطاء الموجودة في الكود الخاص ييك، وأنواعها كتير جدا منها أخطاء كتابية وأخطاء منطقية وأخطاء التشغيل
framework
هي عبارة عن بيئة عمل فيها مجموعة من الأكواد اللي بتسهل وتختصر علر المبرمج الوقت والجهد وأسطر الكود، زي بوتستراب في السي إس إس والجيكويري بالنسبة لجافا سكريبت
loop
وهي عبارة عن حلقة بتفذ أوامر بشكل متكرر وأشهرها الفور لوب، يعني مثلا لو عاوز البرنامج بتاعي كل شوية يتفقد حالة الاتصال بالإنترنت كل دقيقة فبكتب فور لوب تتنفذ كل دقيقة تتشيك على حالة الإتصال بالإنترنت
variable
المتغيرات، وهي عبارة عن مكان بتحجزة في الذاكرة وتديله اسم، ممكن تحط جواه رقم أو اسم أو أي حاجة، وبتسميه أي اسم أنت حابه
keywords
وهي الكلمات المحجوزة في كل لغة برمجة واللي مينفعش تستخدمها في تسميه أي حاجة من الفاريايلز، ودي بتختلف من لغة للغة
MarkUp language
لغة ترميز، وهي عبارة عن لغة خالية من الأوامر زي html اللي بتستخدم في بناء صفحات الويب، المخرجات بتاعتها مبتكونش تنفيذ لأمر
للتواصل : contact@ghareeb.website.com
رابط انستجرام : https://bit.ly/39v94Yx
رابط لينكد إن : https://bit.ly/2MDjtbM
المعدات التي أستخدمها : عدسة 24 mm من كانون http://amzn.to/2MF8oa4
عدسة 18:55 من كانون http://amzn.to/3t9AR8J
كاميرا كانون إيوس 200d http://amzn.to/3cllIvf
مايك Rode NT USB http://souq.link/3r511YG
الإضاة : http://souq.link/3t3LlXg
