إنك تكون عارف الفلوس اللي بتدخلك في الشهر وعارف مصاريفك وإيه بيتبقى منك وإيه بتحتاجه دا ممكن يساعدك إنك تكون صورة كاملة عن حالتك المادية وبتصرف فلوسك في إيه، وبناءا على ده تقدر تتحكم بشكل أكبر في دخلك وبيروح فين، في الفيديو ده هقولك إزاي تعمل كده وإيه التطبيقات اللي ممكن تساعدك على ده
أهلا بيكم في فيديو جديد..
علشان الشخص يكون غني وغني هنا بمعنى غير محتاج أو مكتفي ماديا لازم يكون عنده مخزون 6 شهور قدام من مصاريفه كعامل أمان، يعني لو ترك وظيفته أو تعرض لفترة كان فيها تعبان والراتب بتاعه توقف يقدر يصرف على نفسه وعلى أهله لمدة 6 شهور لحد ما يلاقي وظيفة تانية أو الوضع يتحسن. ودا الحقيقة الهدف الأساسي من الفيديو، هو مساعدة الناس في إنهم يحققوا إدخار أو يحوشوا من الراتب الخاص بيهم جزء كل شهر علشان يحققوا حد الكفاية.
قبل ما نبدأ في سرد خطوات الإدخار خلوني أتكلم معاكم عن قاعدتين بساط في الإدارة المالية أول قاعدة هي ال 80 20 ودي بتقول إنك تقسم الدخل بتاعك الشهر ل 80 في المية تصرفهم و 20 في المية تدخرهم
والقاعدة التانية وهي اصرف ما تبقى من ادخارك ولا تدخر ما تبقى من صرفك
علشان تحسب مصاريفك في مجموعة من الحاجات لازم تعملها الأول علشان الصورة عندك تكتمل
1- حدد رصيدك المتاح
تحديد لرصيدك من الفلوس اللي موجود معاك بالفعل دي أولى الخطوات علشان تعرف تحسب اللي بتدخره وتزوده عليه، ولو مفيش رصيد خالص فده مش مشكلة، إحنا دلوقت بنحاول نوفر من دخلنا ونعرف بنصرف في إيه علشان يتبقى لينا جزء ندخره ونكون مخزون مالي نتسند عليه. ابدأ بجرد كل حساباتك واعرف معاك قد ايه كاش وفيزا ولو في حساب بنكي اعرف الرصيد المتاح فيه، هتكتب كل حاجة من دول فيها كام رصيد وتكتب في الآخر الإجمالي بتاعهم.
2- تحديد الدخل
أكيد كل واحد فينا عارف الدخل بتاعه كام، ولكن في حالة لو أنت بيجيلك فلوس من أكتر من مصدر، حاول تكتبهم كلهم وتكتب بيجيلك كام من كل مكان، ومش لازم الرقم يكون دقيق لإن في بعض الناس دخلهم في الشهر مش ثابت سواء كان بيشتغل في البيزنس أو فري لانسر، لكن أكيد كل واحد عارف رينج معين بيقدر ينتجه في الشهر من خلال الشغل ده، وعلشان تكون في السيف سايد حاول تكتب المينيمم بتاع الدخل بتاعك وأي زيادة دخلها في المدخرات فورا
3 – دخلك بيتصرف في إيه؟
بعد ما حددنا الدخل والرصيد المتاح في الحسابات هنبدأ بتفنيد المصادر اللي الدخل بيتصرف فيها، وطبعا دي منها حاجات فيكسد أو ثابتة زي الاشتراكات الشهرية للإنترنت والموبايل وفواتير الميه والكهربا والسكن والأقساط والكلام ده كله، لازم تحسب كل ده وتكون عارف الرقم اللي بتصرفه بشكل ثابت في الشهر في الأمور دي، علشان هتطلعه من بقية فلوس الشهر اللي هتكمل منها مصاريف.
4 – استخدم تطبيق يساعدك
في تطبيقات كتير جدا بتعمل الموضوع ده منهم إنك تعمل نظام جوه نوشن يساعدك أو تستخدم تطبيق مخصص زي تطبيق مصاريف، ودلوقتي هاخدكم في جولة جوه تطبيق مصاريف
شوف الفيديو من هنا
رابط التمبلت على نوشن : https://bit.ly/2RsMBVy
للتواصل : [email protected]
رابط انستجرام : https://bit.ly/39v94Yx
رابط لينكد إن : https://bit.ly/2MDjtbM
المعدات التي أستخدمها : عدسة
24 mm من كانون http://amzn.to/2MF8oa4
عدسة 18:55 من كانون http://amzn.to/3t9AR8J
كاميرا كانون إيوس 200d http://amzn.to/3cllIvf
مايك Rode NT USB http://souq.link/3r511YG
الإضاة : http://souq.link/3t3LlXg
