زمان علشان تعرف معلومة دا كان بيكلفك وقت وجهد وفلوس، وزمان ده اللي هو من عشرين سنة بس تقريبا، نهايك عن أوقات كانت فيها المعلومة علشان تحصل عليها تسافر بلاد وتتشحطط علشان حد يديهالك.
ولكن في عصر الديجيتال أصبح الوصول للمعلومة شيء سهل جدا وبسيط ممكن تعمله من خلال الموبايل اللي في إيدك دلوقتي، والمعلومة مش بس بقى سهل الوصول ليها، كمان بقت “مجانية” ، فأظن مفيش أحسن من كده، في الفيديو ده هقولك على مجموعة من المصادر المجانية اللي تقدر تتعلم منها برمجة.
أهلا بيكم في فيديو جديد. أولا حابب أشكركم على التفاعل على الفيديو الخاص بمصطلحات البرمجة وأهلا بالضيوف الجدد في القناة. مصادر تعلم البرمجة كتير جدا الأيام دي، وأحيانا كثرة المصادر بيكون مشتت للشخص اللي عاوز يتعلم، لإن معظم الناس بتحب جدا فكرة إن حد يحطلهم خارطة طريق للحاجة اللي حابين يتعلموها، ودا اللي بحاول أعمله معاكم في الفيديو ده، جمعتلكم مجموعة من المصادر المجانية اللي تقدر تتعلم منها برمجة وخصوصا برمجة الويب، لكن هيكون في مصادر برضو لتراكات غير الويب.
1- FeeeCodeCamp
الموقع دا أو المنظمة دي هي منظمة غير ربحية اتأسست في 2014 على إيد كوينسي لاريسون. ولحد دلوقتي اتعلم من خلالها 40 ألف طالب بشكل معتمد أو سيرتيفايد واشتغلوا في شركات عالمية زي جوجل ومايكروسوفت وأماوزن وسبوتيفاي.
هتلاقي على المنصة دي أكتر من تراك منهم تراكات الويب والبايثون والجافا وتحليل البيانات والماشين ليرنينج
طبعا المنصة باللغة الإنجليزية، وفي تراكات فيها عبارة عن Documentation بس و لكن هتلاقي تراكات برضو فيها فيديوهات وأنشطة تفاعلية
الجميل في الموقع دا إنك تقدر من خلاله تشارك مع كوميونتي من الطلبة والأستاذة أثناء عملية التعلم في إنكم تبنوا وتطوروا تطبيقات غير هادفة للربح لمؤسسات أو أغراض خيرية. فمنها تتعلم ومنها تاخد ثواب.
2- Harvard University’s CS50 class:
ودا عبارة عن كورس في بدايات علوم الحاسب مقدم من جامعة هارفارد بيقدمه الأستاذ ديفيد ميلان، والكورس اللي بيميزه إنه بياخدك في رحلة من الصفر خالص وبيبحر بيك على أكتر من مفهوم ابتداءا بأساسيات البرمجة مرورا بالداتا ستراكشر والخوارزميات، والكورس مشهور جدا ومجاني وموجود على edx.
طبعا الكورس باللغة الإنجليزية ولكن هتلاقوا تقريبا في كل المنصات اللي هو موجود عليها subtitle تحت كده هيساعدك شوية إنك تفهم إيه اللي بيتقال.
الحقيقة مش عارف أبدأ منين مع قناة الزيرو لإن كان ليها الفضل عليا وعلى كتير من دايرة معارفي، وعلى المستوى الشخصي اتعلمت منها كتير جدا جدا. قناة الزيرو لصاحبها أسامة محمد تعد أشهر قناة عربية لتعلم برمجة الويب في الوطن العربي، اللي بيميز القناة هو تعدد الكورسات عليها، تقريبا أي حاجة تخطر في بالك فيما يخص برمجة الويب فهتلاقي عنها كورس، بالإضافة كمان لفيديوهات منفصلة عن البرمجة والمجال ورحلة التعلم، وكمان فيديوهات بيشارك فيها أسامة خبرته الحياتية، وبالمناسبة كنا علمنا بودكاست مع أسامة هنا على القناة ممكن تشوفوه من الi اللي هتظهر فوق دي.
كمان عليها كورس بايثون متكامل من الصفر إلى الإحتراف، حاجة كده شغل المعلم لإبنه. ولمسة الفنان هنا بقا علشان متتوهش على القناة، هتلاقي على موقع القناة مسارات تعلم فيها كل حاجة خاصة بالكورسات على القناة، مسارات مصممي الويب ومطوري الويب، مترتب فيهم كل الكورسات بالترتيب المنطقي ليهم وكل الأدوات والتدريبات اللي هتحتاجها بعد كل كورس،
وكل دا مجاني يا جماعة من غير ما تدفع مليم، مش مطلوب منك بس غير إنك لما تخلص الفيديو تدخل على الموقع والقناة تاخد بصة وتنوي وتتوكل على الله وتبدأ. شكرا يا عم أسامة وربنا يجعله في ميزان حسناتك يارب.
4- W3schools
منظمة ال w3 school تعتبر مرجع رئيسي في لغات الويب وتطبيقاتها، اتأسست سنة 1998 الموقع بتاعهم عبارة عن documentation بس. فيه لغات كتير جدا جدا زي html css js php. والمميز في الموقع إنه بيديك أمثلة على الحاجة اللي بيشرحها وكمان بيخليك تطبق بإيدك عن طريق الإيديتور الخاص بيهم على الموقع. وفي مسائل تحلها على كل لغة كنوع من التطبيق العملي للي اتعلمته.
5- TheNewBoston
قناة نيو بوستون أحد أشهر القنوات التعليمية للبرمجة سواء ويب أو أندرويد وأكتر حاجة بتميزها هي بساطة الأسلوب وسهولته، يعني أيا كان سنك تقدر تتفرج على فيديوهات القناة وتفهم منها، وتعتبر خطوة حلوة جدا لأي حد مبتدأ في عالم البرمجة
للتواصل : contact@ghareeb.website.com
رابط انستجرام : https://bit.ly/39v94Yx
رابط لينكد إن : https://bit.ly/2MDjtbM
المعدات التي أستخدمها : عدسة 24 mm من كانون http://amzn.to/2MF8oa4
عدسة 18:55 من كانون http://amzn.to/3t9AR8J
كاميرا كانون إيوس 200d http://amzn.to/3cllIvf
مايك Rode NT USB http://souq.link/3r511YG
الإضاة : http://souq.link/3t3LlXg
